|
İnhisarçı qurumlarla müqavilələr
Xidmətlərin qiymətilə keyfiyyəti, təhlükəsizliyi arasında istehlakçının maraqlarına zidd uyğunsuzluqların olduğu şəraitdə inhisarçı qurumlarla (elektrik, qaz enerjisi, su təchizatı, MKİS-ləri və s.) müqavilələrin bağlanması ciddi əhəmiyyət kəsb edir. Fikrimizcə, bu qurumlar tərəfindən istehlakçılara təqdim olunan qanunvericiliklə təsdiq olunmuş müqavilə formalarında aşağıdakı şərtlər öz əksini tapmalıdır:
- müqavilənin imzalandığı vaxt və məkan;
- tərəflərin hüquqi ünvanı və kimliyi;
- müqavilənin mahiyyəti;
Təchizatçının (icraçının) öhdəlikləri:
- fasiləsiz, təhlükəsiz və keyfiyyətli xidmətə təminat;
- ödənişsiz sayğac quraşdırılması (tələb olunursa);
- istehlakçının təlimatlandırılması;
- borc bildirişlərinin təqdim edilməsi (hər ay);
- balans mənsubiyyəti daxilində qurğuların, avadanlıqların, kommunikasiya xətlərinin və s. yararlığının təminatı;
- yol verilmiş pozuntu barədə sənədləşdirmədə istehlakçının iştirakının təminatı;
İstehlakçının öhdəlikləri:
- istehlak zamanı müvafiq qaydalara riayət edilməsi;
- hər ay (10 gün ərzində) xidmətin dəyərinin ödənilməsi;
- təchizatçıya (icraçıya) sayğaca baxış keçirmək imkanının yaradılması (tələb olunursa);
- balans mənsubiyyəti daxilində qurğuların, avadanlıqların, kommunikasiya xəttinin və s. düzgün istismarına görə məsuliyyət;
- hər hansı nasazlıq, anlaşılmazlıq, o cümlədən yaşayış olmaması barədə təchizatçıya (icraçıya) yazılı məlumat verilməsi;
- baş vermiş qəzalar, yanğınlar, insan xəsarətləri barədə müvafiq dövlət orqanlarına məlumat verilməsi;
Xüsusi müddəalar:
- fors major halları;
- müstəqil ekspertizanın prioritetliyi;
- qeyri-qanuni hərəkətlərin yolverilməzliyi;
- öhdəliklərin yerinə yetirilməməsinə görə məsuliyyət;
- yaranmış mübarizələrin həlli yolları (mediasiya, arbitraj, məhkəmə və s.);
Diqqət: Müqavilələrin natariusda təsdiqi tövsiyyə olunur.
|
